Wann et ee Rendez-vous gëtt, deen an der Lëtzebuerger Theaterlandschaft net feelen dierf, dann ass et sëcher d'Revue, däer hir Geschicht schonn 1896 ugefaangen huet. Nom grousse Comeback 2018 als Nei Revue, huet den tradtionelle Cabaret sech nei etabléiert, ouni seng Wuerzelen ze verléieren. Wéi gewinnt ginn déi Evenementer vum vergaangene Joer Revue passéiere gelooss, mat zäitkritesche Witzer, Wuertspiller a Lidder, déi een ofwiesslungsräiche Programm bilden. Och an dëser Editioun ass kee Politiker a keng Perséinlechkeet aus dem Ländche sécher virun de satireschen a bëssegen Texter vun der neier Revue.