Et ass eng aussergewéinlech Liesung, wou Text a Musek sech klanglech ofwiesselen an iwwerraschend vermëschen. Eng musikalesch a literaresch Zäitrees an dem Jhemp Hoscheit seng Wierderwelt.

De Jhemp Hoscheit gehéiert zu den erfollegräichsten lëtzebuerger Auteuren. Hien ass bekannt als Auteur vu sou munchen Kanner- a Jugendbicher, satireschen Texter, Theaterstécker a Romaner. Fir säin eischten Roman "Perl oder Pica" huet hien 1999 den Servais-Prais gewonnen. D’Buch ass 2005 no engem Dréibuch vum Viviane Thill vum Pol Cruchten verfilmt gin. Dem Jhemp Hoscheit säin zweeten Roman, "Aacht Deeg an der Woch", huet 2006 de lëtzebuerger Buchpräis kritt a viru kuerzem ass säin eischten Krimi "Mondelia" erauskomm.